June 21, 2021

च्यालेन्ज नेपाल

सत्य तथ्य र निष्पक्ष्य समाचार को लागी

नेपाली चलचित्र क्षेत्रका वि वादबारे बोलिन केकी अधिकारी

नेपाली चलचित्र क्षेत्रका वि वादबारे बोलिन केकी अधिकारी

काठमाडौं । नेपाली चलचित्र क्षेत्रमा पछिल्लो समय विभिन्न विषयमा विवादहरु भइरहेको छ । केही दिन अघि हास्यकलाकार दीपाश्री निरौलाले ‘महानायक’बारे दिएको अभिब्यक्ति र अभिनेत्री साम्राज्ञी राज्यलक्ष्मी शाहले अभिनेता भुवन केसीलाई लगाएको आरोपबारे विभिन्न कुराहरु आइरहेको छ ।दीपाश्रीले ‘राजेश हमाल महानायक हो र रु ’ भन्दै दिएको अभिब्यक्तिलाई लिएर अहिले उनलाई सामाजिक सञ्जालमा आलोचना भइरहेको छ । यसैबीच अभिनेत्री केकी अधिकारीले यस बारे केही कुराहरु बताएकी छिन् । उनले सामाजिक सञ्जालमार्फत दीपा, पूजा , बर्षालाई गल्ती गर्ने छुट नभएको बताएकी छिन् ।उनले भनेकी छिन् – बिगत केही हप्ता यता आमा त्यसै त्यसै त्रसित हुनुहुन्छ। फेसबुकमा खासै सक्रिय हुनुहुन्न आमा तर आजकल हर दिन हर घन्टा आमाको आँखा अनि ध्यान फेसबुक मै हुन्छ। नसा लाग्यो कि क्या हो आमा भनेर सोधेको, होइन तिमीले केही लेखेको छौ कि भनेर हेरिराको भन्नुभो। अहिले चर्किरहेका विषयमा केही भन्ने वा लेख्ने नगर है भन्नुभो। सहनै गाह्रो हुने प्रतिक्रियाहरु आउछन् अनि मेरो मन भतभत पोल्छ भन्नुभो।

म एकछिन घोत्लिए अनि सोचेँ, गल्ती त हाम्रै हो नि दीपा दी,पहिलो गल्ती त तपाईं छोरी भएर जन्मिनु भो। ल त्यस्मा हाम्रो केही चल्दैन, अनि फेरि तपाईं सफल चाहिँ किन हुनुभो? ल त्यो पनि पचाउने प्रयास गरुला , अनि फेरि तपाईंले भयंकर गर्नुभो के , होइन आफ्नो भनाइ अनि बिचार किन राखेको भन्या के ? अनि फेरि तपाईंले कसैको चित्त नदुखाउन माफी मागेर अति गर्नुभो। यो त पराकाष्ठा नै भैगोनी।गल्ती मान्छेबाट पो हुन्छ त, माफी मान्छेलाई पो दिइन्छ त। अनि थाहा पाइपाइ यत्रो अपराध गरिदिने? हामीलाई तेस्तो अनुमती छ र? यहाँ कुनै दीपा, पूजा , बर्षालाई गल्ती गर्ने छुट छैन है। भन्देको छु नी। मान्छे बन्ने कोशिस नगर्नु।ल आमा तपाईंले यो पनि हेरिहाल्न्नु हुन्छ, त्यसैले ढुक्क हुनु है। मैले तेस्तो केही लेखेको छैन। हाम्रो समाजकै समर्थनमा लेखेकी छु। मैले मरनासन्न हुने गरि गाली खान्न होला। मेरो चरीत्र जोगिन्छ होला।